O Departamento de Orientación leva a cabo actuacións de atención ao alumnado ao longo do proceso de ensino-aprendizaxe co obxecto de favorecer a súa formación integral, así como facilitar o apoio, asesoramento e implicación das familias e do resto de axentes da comunidade educativa.

Forman parte do Departamento de Orientación unha orientadora, dúas especialistas en Pedagoxía Terapéutica (PT), unha especialista en Audición e Linguaxe (AL) ademais de persoal complementario de apoio educativo.

A labor do noso equipo pretende dar solución á diversidade do alumnado, tendo en conta os principios de ensinanza individual e persoal, a inclusión e adaptación social, a transición de cursos e etapas, a valoración e intervención nas dificultades da linguaxe e da aprendizaxe así coma o asesoramento e orientación académico-profesional, atendendo á cultura do esforzo e  o compromiso por crear contornas de aprendizaxe ricos, motivadoras e esixentes.

Desde o Colexio e en colaboración directa coa Concellería de Sanidade do Concello de Ourense desenvolvemos a Escola de Nais e Pais que abrangue ás familias desde 4º de Infantil ata 4º de Secundaria e Formación Profesional Básica.

A familia ten un papel indiscutíbel no desenvolvemento integral dos nenos por ser a única institución na que o individuo participa durante toda a súa vida. Ten a capacidade de constituírse en transmisora de valores, costumes, hábitos, modelos de comportamento, así como en elemento de apoio, resolución de conflitos e sustento do estado del benestar

O que se pretende na “escola de nais e pais” e concienciar da función como educadores, formar na función educativa dos nosos nenos, establecer criterios de actuación. e apoiar na tarefa de educar a nais, pais e axentes educadores.