Nesta etapa (4º, 5º e 6º de Educación Infantil) non buscamos que o alumnado adquira unicamente conceptos senón que tamén os educamos no respecto, na tolerancia, na solidariedade e na convivencia, formando así persoas responsables e felices.

A nosa ensinanza baséase nunha pedagoxía activa, por descubrimento e en continua actualización.

• Activa: a través dun aprendizaxe cooperativo onde os alumnos levan a cabo as tarefas de maneira colectiva adquirindo una función imprescindible dentro do seu grupo e por proxectos onde os nenos e nenas son os protagonistas do seu propio aprendizaxe.

• Por descubrimento: O que move o cerebro é a curiosidade, para iso proporcionámoslles estímulos que potencien o seu desexo de aprender, procurándolles distintas experiencias e aprendizaxes, e tendo claro que cada alumno ten o seu propio ritmo.

• Permanente actualización: dándolle unha especial importancia as novas tecnoloxías a través do emprego de tablets, ordenadores, pizarra dixital e a adquisición da lingua inglesa onde un profesor nativo auxiliar de conversa reforza as competencias do alumnado de cara o programa plurilingüe do centro.

A etapa de Educación Primaria é a primeira etapa obrigatoria do sistema educativo español.

Composta por seis cursos abarca idades dende os 6 ata os 12 anos.

Nesta etapa os alumnos/as adquiren os principais valores e hábitos de estudo e para a vida que marcarán o seu futuro académico e persoal.

Coa nosa metodoloxía, os nos@s alumnos/as síntense partícipes do proceso de ensinanza e aprendizaxe tendo sempre presente que: “xuntos aprendemos máis e mellor”.

Ofrecemos a cada alumno/a a posibilidade de  potenciar a súas intelixencias máis desenroladas e de mellorar nas facetas que máis o precisen.

Ademais de traballar os contidos, estándares de aprendizaxe e obxectivos indicados pola lei, transmítese unha continua ansia por descubrir novos coñecementos, fomentando o esforzo, a responsabilidade, a autonomía e o traballo cooperativo, integrándose na realidade da súa contorna coa intención de crear hábitos e valores útiles para a súa vida cotiá, respectando a singularidade de cada un.

Na etapa de Educación Secundaria Obrigatoria o obxectivo básico é que os alumnos maduren a nivel persoal e escolar, desenvolvendo os hábitos de estudo para que nun futuro vivan comprometidos na construción dunha sociedade máis fraterna e xusta.

Axudamos a desenvolver as competencias (combinación de coñecementos, destrezas, habilidades, actitudes e valores) dos nosos alumnos con:

Hábitos de traballo tanto individuais como en grupo.

Esforzo.

Autonomía e responsabilidade.

Confianza en si mesmo.

Sentido crítico.

Iniciativa.

Interese.

Desenvolvemento da creatividade…