Na etapa de Educación Infantil acompañamos ao noso alumnado nunha aprendizaxe chea de experiencias, emocións e descubrimentos. Non só buscamos que adquiran coñecementos, senón tamén formar persoas respectuosas, solidarias, tolerantes e felices, preparadas para convivir e crecer nun entorno seguro e estimulante.
A nosa metodoloxía baséase nunha pedagoxía activa, dinámica e en constante actualización, onde cada neno e cada nena é protagonista do seu propio proceso de aprendizaxe.
Fomentamos o traballo en equipo a través de dinámicas cooperativas nas que cada alumno desempeña un papel importante dentro do grupo. Ademais, traballamos por proxectos, favorecendo a participación, a creatividade e a autonomía do alumnado.
Sabemos que a curiosidade é o motor da aprendizaxe. Por iso ofrecemos experiencias motivadoras e estímulos adaptados ás necesidades de cada alumno, respectando sempre o seu ritmo evolutivo e potenciando o desexo natural de aprender.
Apostamos por unha educación adaptada ao presente e ao futuro, integrando o uso de tablets, ordenadores e pizarras dixitais no día a día da aula. Ademais, reforzamos a aprendizaxe da lingua inglesa coa colaboración dun auxiliar de conversa nativo, favorecendo así o desenvolvemento das competencias lingüísticas dentro do programa plurilingüe do centro.