Ciclo Formativo Grao Medio

O noso centro ofrece o Ciclo Formativo de Grao Medio en Actividades Comerciais, unha proposta formativa de 2000 horas distribuídas en dous cursos académicos, orientada a preparar ao alumnado para o ámbito da xestión comercial, a atención ao cliente e a actividade empresarial.

Este ciclo combina aprendizaxes teóricas e prácticas, favorecendo que o alumnado adquira competencias profesionais reais relacionadas co comercio, a organización de vendas, a xestión de produtos e a atención á clientela. Trátase dunha formación dinámica que conecta directamente coa realidade do sector comercial.

Que titulación se obtén?
Ao superar o ciclo obtense o título de Técnico en Actividades Comerciais.

Validez do título
Este título permite o acceso directo tanto a ciclos formativos de grao superior como a outros estudos de grao medio. Ademais, ofrece a posibilidade de obter o título de Bacharelato superando unicamente as materias xerais correspondentes da modalidade elixida e a materia de Lingua Galega e Literatura.

Requisitos de acceso
É necesario estar en posesión do título de Educación Secundaria Obrigatoria.

Saídas profesionais
Este ciclo prepara para o desempeño de funcións como representante comercial, axente de atención e información á clientela, operador/a de contact center, xestor/a de contidos en liña, técnico/a en xestión de existencias e almacén, responsable de recepción e expedición de mercadorías, auxiliar de dixitalización ou xerente de pequeno comercio, entre outras opcións no ámbito comercial e loxístico.